நம் நாட்டில் நிலத்தின் விலை நாளுக்கு நாள் அதிகரித்துக் கொண்டே செல்கிறது. எனினும் மக்களுக்கு நிலம் வாங்குவதிலும், வீடு கட்டுவதிலும் ஆர்வம் குறையவில்லை. அனைவரும் சொந்தமாக நிலம் ஒன்றை வாங்கி அதில் வீடு கட்ட வேண்டும் என்ற விருப்பத்தை கொண்டுள்ளனர். இன்றைய காலத்தில் அவர்கள் தங்களுடைய வீடுகள் அழகாக இருக்க வேண்டும் என்பதில் அதிக கவனம் செலுத்துகின்றனர். அவர்களின் வீடுகளை அழகுபடுத்தவும், அவர்கள் விருப்பத்திற்கேற்றபடி நவீன கட்டமைப்பை உருவாக்கவும் இன்றைய நாட்களில் உள்துறை வடிவமைப்பு உதவிகரமாக இருக்கிறது. எதிர்காலத்தில் உள்துறை வடிவமைப்பின் வளர்ச்சி எப்படி இருக்கும் என்பது பற்றியும் அதில் உள்ள பணி வாய்ப்புக்கள் பற்றியும் இங்கு நாம் காணலாம்.

உள்துறை வடிவமைப்பாளர்:

எளிமையான சொற்களில் கூறவேண்டுமானால், ஒரு உள்துறை வடிவமைப்பாளர் என்பவர் மக்களின் வீடுகளின் உட்புறத்தை அழகாக வடிவமைக்கும் நபர் ஆவார். ஒரு உள்துறை வடிவமைப்பாளர் ஒரு வீட்டை அலங்கரிப்பதற்கு மிகவும் கலைநயமிக்க ஒன்றை புதிதாக வடிவமைக்கப் போவதில்லை, ஆனால் அவர் தங்கள் வாடிக்கையாளர்களுக்கு தேவையான வசதிக்கும் அழகுக்கும் இடையே சரியான சமநிலையை ஏற்படுத்துகிறார். அவர்கள் வீட்டில் இருக்க வேண்டிய அனைத்து தளபாடங்களையும் கணக்கில் எடுத்துக்கொண்டு, அவற்றை ஒரு வெற்று பிளாட்டில் எப்படி சிறப்பாக வைக்கலாம் என்பதை வடிவமைக்கிறார். அதன் மூலம் வாடிக்கையாளரின் வீட்டை கண்கவரும் வண்ணம் மாற்றியமைக்கிறார். இதன் பொருள் என்னவென்றால், ஒரு உள்துறை வடிவமைப்பாளர் அறைக்குள் எவ்வளவு சூரிய ஒளி / புதிய காற்று வருகிறது, வாடிக்கையாளருக்கு எந்த ஏற்பாடு மிகவும் வசதியாக இருக்கும் போன்ற விஷயங்களை மனதில் வைத்துக்கொண்டு அவர் கொடுக்கப்பட்ட இடத்தை சிறப்பாகப் பயன்படுத்த முயற்சிகள் செய்கிறார்.

உள்துறை வடிவமைப்பு தொழில் பற்றிய புதிய கண்ணோட்டம்:

ஒரு உள்துறை வடிவமைப்பாளர் பணியமர்த்தப்பட்ட நோக்கத்தைப் பொறுத்து, கட்டிடத்திற்கான வரைபடத்தை வடிவமைக்கும் நேரத்திலிருந்தோ அல்லது கட்டிடம் கட்டி முடிக்கப்பட்ட பின்னரோ தங்கள் பணியை ஒரு உள்துறை வடிவமைப்பாளர் மேற்கொள்கிறார். உள்துறை வடிவமைப்பாளர்களுக்கு இத்தகைய நோக்கத்திற்காக கட்டிடக்கலை பற்றிய அறிவு இருக்கும் என்று எதிர்பார்க்கப்படுகிறது.

வடிவமைப்பாளர் இடம் அல்லது அறையின் நோக்கம் மற்றும் என்னென்ன அலங்காரங்கள் தேவைப்படும் மற்றும் தேவையற்றது ஆகியவற்றை உறுதி செய்கிறார்.

அவர்கள் தொடக்கத்திலிருந்தே பணியில் ஈடுபட்டிருந்தால், அவர்கள் ஜன்னல்கள், கதவுகள் மற்றும் புத்தக அலமாரிகள் போன்ற உள்ளமைக்கப்படும் தளபாடங்களை தகுந்த இடத்தில் வைக்க திட்டமிடுகிறார்கள்;

அறையில் கிடைக்க வேண்டிய இயற்கை ஒளி மற்றும் புதிய காற்று போன்ற அம்சங்களை அவர்கள் கருத்தில் கொள்கின்றனர்.

அவர்கள் வண்ணத் திட்டங்களையும், தளபாடங்களின் வகை மற்றும் அளவையும் தீர்மானிக்கிறார்கள்.

சில வடிவமைப்பாளர்கள் குறிப்பிட்ட அறைகளில் (குளியலறைகள்/சமையலறைகள் போன்றவை) அல்லது குறிப்பிட்ட பாணிகளில் (ஃபெங் சுய், சூழல் நட்பு வடிவமைப்புகள் போன்றவை) நிபுணத்துவம் பெற்றவர்களாக இருப்பார்கள்.

ஒரு சிறந்த உள்துறை வடிவமைப்பாளர் வாடிக்கையாளரின் விருப்பங்களையும், பட்ஜெட்டுகளையும் கடைப்பிடிக்க வேண்டும்.

ஒரு உள்துறை வடிவமைப்பாளருக்கு கட்டிடக்கலை, வண்ணத் திட்டங்கள், உட்புறங்களைத் தயாரிப்பதில் பயன்படுத்தப்படும் பொருட்கள், அவற்றின் விலை மற்றும் அவற்றை எங்கு பெறுவது மற்றும் எந்த பாணிகள் பிரபலமாக உள்ளன என்பது பற்றிய அறிவு இருக்க வேண்டும்.

அவர் இந்த அறிவை வாடிக்கையாளரின் மீது திணிக்கவில்லை, ஆனால் வாடிக்கையாளரின் ரசனைக்கு எது சிறந்தது என்பதைப் பார்க்க முயற்சிக்கிறார். இந்தத் தொழிலில் வாடிக்கையாளர் மிக உயர்ந்தவர், மேலும் தங்கள் வாடிக்கையாளர்களை மிகவும் திருப்திப்படுத்தக்கூடிய உள்துறை வடிவமைப்பாளர்கள் மட்டுமே முன்னேறுவார்கள். இந்த காரணத்திற்காக, உள்துறை வடிவமைப்பாளர்கள் தொடர்பு கொள்ளக்கூடியவர்களாக இருக்க வேண்டும். வாடிக்கையாளரின் ரசனையை அவர்கள் புரிந்து கொள்ளவும் தயாராக இருக்க வேண்டும்.

மேலும், மிகவும் பொருத்தமான வடிவமைப்பைத் தேர்ந்தெடுக்க வாடிக்கையாளரை அவர்கள் தயார் செய்ய வேண்டும். வாடிக்கையாளருக்கு ஒரு சரியான வீட்டை உருவாக்க உள்துறை வடிவமைப்பாளர் வெவ்வேறு பாணிகளை ஒன்றாகக் கலப்பதன் மூலம் படைப்பாற்றலைக் காட்ட வேண்டும். எல்லாவற்றிற்கும் மேலாக, எல்லோரும் தங்கள் வீடு தனித்துவமாக இருக்க வேண்டும் என விரும்புவதால், வடிவமைப்பாளர்கள் புதிய யுக்திகளை கையாள வேண்டியிருக்கும்.

தொழில் பாதை:

10, +2 கல்விக்குப் பிறகு, நீங்கள் நேரடியாக இன்டீரியர் டிசைனிங் / பர்னிச்சர் டிசைனிங் / செராமிக் மற்றும் கிளாஸ் டிசைன் மற்றும் பிற ஒத்த இளங்கலை டிசைன் சம்மந்தப்பட்ட படிப்புகளை (B.Des.) மேற்கொள்ளலாம். ஒவ்வொரு துறை கல்வியை பொருத்தும் அவர்களுக்கு வெவ்வேறு பெயர்கள் இருந்தாலும் அவர்களின் பாடத்திட்டத்தைப் பார்த்தால், நுட்பமான வேறுபாடுகள் மற்றும் நீங்கள் எதைப் பின்தொடர வேண்டும் என்பதை பற்றி தெரிந்து கொள்ள முடியும். வடிவமைப்பு சம்மந்தப்பட்ட படிப்புகளை வழங்குவதில் தேசிய வடிவமைப்பு நிறுவனம் (என்.ஐ.டி) மற்றும் ஆர்ச் அகாடமி ஆகிய இரண்டு பிரபலமான கல்லூரிகள் பிரபலமானதாக இருக்கின்றன.

வடிவமைப்பு துறையில் முதுகலை (M.Des) ( m.des. in furniture and interior design) படிப்புகளும் உள்ளன. ஒரு நல்ல கல்லூரியில் இன்டீரியர் டிசைனிங் பட்டம் பெறுவதற்கு நல்ல போர்ட்ஃபோலியோ இருப்பது அவசியம். நீங்கள் ஒரு மதிப்புமிக்க கல்லூரியில் பொது B.Des படிப்பைத் தேர்வு செய்து, உள்துறை வடிவமைப்பில் சிறப்பு முதுகலைப் படிப்பிற்குச் செல்லலாம். மேலும் உள்துறை வடிவமைப்பு துறையில் உள்ள சிறப்பான எதிர்காலம் பற்றிய தகவல்களுக்கு கீழே கொடுக்கப்பட்டுள்ள பார்க்கவும்.

உள்துறை வடிவமைப்பு படிப்புகளை வழங்கும் இந்தியக் கல்லூரிகள்:

தேசிய வடிவமைப்பு நிறுவனம், NID அகமதாபாத், டெல்லி
பேர்ல் அகாடமி நொய்டா, மும்பை
சர் ஜே.ஜே ஸ்கூல் ஆஃப் ஆர்ட், மும்பை
ஆர்ச் அகாடமி ஆஃப் டிசைன், ஜெய்ப்பூர்
வோக் இன்ஸ்டிடியூட் ஆஃப் ஃபேஷன் டெக்னாலஜி, பெங்களூர்
இந்திய தொழில்நுட்ப நிறுவனம், மும்பை
சாய் ஸ்கூல் ஆஃப் இன்டீரியர் டிசைன், புது தில்லி
IILM ஸ்கூல் ஆஃப் டிசைன், குர்கான்
CEPT பல்கலைக்கழகம், காந்திநகர்
நாசிக் கட்டிடக்கலை கல்லூரி.

உங்கள் வடிவமைப்பு சார்ந்த (m des interior design) கல்விக்குப் பிறகு, களத்தில் இருக்கும் வேலையைக் கற்றுக்கொள்வதற்கும், உங்கள் பயோ-டேட்டாவில் அனுபவத்தைக் காட்டுவதற்கும் ஒன்று அல்லது இரண்டு இன்டர்ன்ஷிப்களைப் பெறுவது மிகவும் பரிந்துரைக்கப்படுகிறது.

கட்டண அமைப்பு:

கல்வி பயிலப்போகும் தனியார் அல்லது அரசாங்கத்திற்குச் சொந்தமானதா என்பதைப் பொறுத்தும், அது எவ்வளவு மதிப்புமிக்கது என்பதைப் பொறுத்தும் கட்டணம் பல்கலைக்கழகத்திற்கு பல்கலைக்கழகம் மாறுபடும். எடுத்துக்காட்டாக, என்.ஐ.டி-யில் மரச்சாமான்கள் வடிவமைப்பு படிப்பிற்கான கட்டணம் ஆண்டுக்கு 1.8 – 2 லட்சம். அதே நேரத்தில், CEPT பல்கலைக்கழகம் போன்ற ஒரு கல்லூரியில் ஆண்டுக்கு சுமார் 1 லட்சம் கட்டணம் உள்ளது. கட்டணம் பொதுவாக ஆண்டுக்கு 75,000- 2,50,000 வரை கல்லூரியை பொறுத்து மாறுபடும்.

உள்துறை வடிவமைப்பில் படிப்புகளை வழங்கும் சர்வதேச கல்லூரிகள்:

பிராட் நிறுவனம், புரூக்ளின் – நியூயார்க்
நியூயார்க் ஸ்கூல் ஆஃப் இன்டீரியர் டிசைன் (NYSID) நியூயார்க்
புளோரன்ஸ் டிசைன் அகாடமி, இத்தாலி
உள்துறை வடிவமைப்பு பள்ளி, லண்டன்
கலிபோர்னியா பல்கலைக்கழகம் (UCLA) லாஸ் ஏஞ்சல்ஸ்
ஹாரிங்டன் காலேஜ் ஆஃப் டிசைன், சிகாகோ – இல்லினாய்ஸ்

எதிர்கால வாய்ப்புக்கள்:

இன்டீரியர் டிசைனர்களுக்கு இன்றைய நாட்களில் அதிக தேவை உள்ளது, ஏனெனில் தங்கள் வீடுகளை வடிவமைக்க விரும்பும் நபர்களின் எண்ணிக்கை அதிகரிப்பது மட்டுமல்லாமல், தங்கள் உணவகங்கள், கடைகள், அலுவலகங்கள் ஆகிய இடங்களை வடிவமைக்க விரும்புபுவோரின் எண்ணிக்கையும் அதிகரித்து வருகிறது. இன்று அழகியல் என்பது எந்தவொரு அலுவலக இடத்திலும் ஒரு முக்கிய பகுதியாக இருக்கிறது.

ஒவ்வொரு பணியிடத்திற்கும் திறமையான வடிவமைப்பு தேவைப்படுகிறது, இது வேலையை விரைவாகச் செய்ய உதவுகிறது. மேலும், உணவகங்கள் மற்றும் கடைகள் கூட சிறந்த உள்துறை வடிவமைப்புடன் தங்கள் வணிகத்தை தொடங்குகின்றன. இதனால், இன்டீரியர் டிசைனர் இன்றைய காலத்தில் மிகவும் முக்கியத்துவம் பெற்றுள்ளார். எனவே எதிர்காலத்தில் இந்த துறையில் சிறப்பான வளர்ச்சிக